مدرسة المناذرة الابتدائية
نعشق الصدق في التعامل والصراحة في الكلام والامانة في كل شي من اجل التواصل مع الجميع في تبادل الافكار والثقافات في المجال التربوي والرياضي

مدرسة المناذرة الابتدائية

منتدى رياضي ترفيهي تعليمي يختص بعرض نشاطات مدرسة المناذرة الابتدائية في كل المجالات
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  
نعشق الصدق في التعامل والصراحة في الكلام والامانة في حفظ اسرار الاصدقاء والتواصل مع الجميع على خير وسلام
أللهم أحفظ العراق والعراقين من كل شر وأنصر الاسلام والمسلمين في بقاع الارض وأرزق المؤمنين والمؤمنات من جنات الخلد وأعطي الى اصدقاء المنتدى ما يتمنون بحق محمد وآل محمد الطيبين الطاهرين
حققت مدرستنا نسبة نجاح75% في الامتحانات الوزارية الصف السادس الابتدائي على مستوى المحافظة للعام الدراسي 2011-2012
كانت نسب النجاح في مدرسة المناذرة الابتدائية للعام الدراسي 2011/2012 حسب كل مادة التربية الاسلامية100% اللغة العربية92% اللغة الانكليزية92% الوطنية 100% الرياضيات 82% العلوم100% الجغرافية97% التاريخ 100%
تهنى الهيئة التعليمية في مدرسة المناذرة الابتدائية طلابنا الاعزاء بمناسبة بدء العام الدراسي الجديد 2012/2013 وتدعو من العزيز الحكيم ان يوفق الجميع في عملهم البطولي من اجل بناء جيلا ناجحا متعلما ومن الله التوفيق ***** *****مدرسة المناذرة الابتدائية *********
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» مراسيم رفع العلم الخميس 6/12/2012
الأحد 09 ديسمبر 2012, 10:53 am من طرف ابو نور

» مراسيم رفع العلم الخميس 29/11/2012
الجمعة 30 نوفمبر 2012, 12:25 pm من طرف ابو نور

» مراسيم رفع العلم الخميس 8/11/2012
الجمعة 09 نوفمبر 2012, 10:08 am من طرف ابو نور

» ابتسم معنا
الإثنين 05 نوفمبر 2012, 12:54 pm من طرف ابو نور

» اجمل الحكم والامثال القصيرة
الإثنين 05 نوفمبر 2012, 12:48 pm من طرف ابو نور

»  حكم واقوال لبعض الفلاسفه والحكماء
الإثنين 05 نوفمبر 2012, 12:45 pm من طرف ابو نور

» الخميس 1/11/2012 مراسيم رفع العلم العراقي
الأحد 04 نوفمبر 2012, 10:36 am من طرف ابو نور

» عشق العراق
الثلاثاء 30 أكتوبر 2012, 4:35 pm من طرف ابو غزوان العبادي

» ملحمة كربلاء
السبت 27 أكتوبر 2012, 10:06 am من طرف ابو غزوان العبادي

سبتمبر 2017
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
252627282930 
اليوميةاليومية
التبادل الاعلاني

انشاء منتدى مجاني



ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى

شاطر | 
 

 كلام روعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو نور
Admin


المساهمات : 64
تاريخ التسجيل : 29/06/2012

مُساهمةموضوع: كلام روعة   الأحد 08 يوليو 2012, 8:52 pm


شباج حسن البشر تاج وتراجي وحله
وانت احلى كل البشر بشفاك زايد حله
ماشايف اني ابشرلو شاب شب وحله
حلو احلى من الكمر غار الكمر لو هل
ماشايف بحسنه ابدغلطان هل؟لوهل؟
تدرون بهلالنا قاسم قسم لو هل
ليرجعه بدر وكمر بيدينه لو لاحله


يامن نسيت اللذي ابعمرة الك خاطرة
بالجذب مامر على بالك ابد خاطرة
وانة بدموع الهجر كاتب الك خاطرة
صدكني هذا الكلب غيرك ابد ماهوة
ضل عالي علو النجم حبك ابد ماهوة
بالله اريد اسألك عن السبب ماهوة
الشايل حنينة الك ليش اكسرت خاطرة

تتبطر انت وعلــــي ماشفت منك ورد
جنت ارسل وما ترد اسكت واجامل ورد
واردك فارغ علي ماشفت منك ورد
ترسل عليه بـده وارسل عليك بجمع
ما تلتكي ومن تجي حاضرك دوم بجمع
طاحت عليك النظر وانتى التجازي بجمع
لطلع انبش بهلك العــن واسب او ارد

عيد انت تفرح وانا لامــــر فرح لاعيد
واسهام ثكلك علــــي لحسب انا لاعيد
وارجع انــــا بدنيتي واتحذرك لاعيد
من شفتك اني وطحت طـب للكلب ناظرك
وارضيت احسب واعد طول العمر ناظرك
غلطه اني من اعشكت طالب وانا ناظرك
لرجع لذاك الـــــوكت واتحذرك لاعيد


يولفي اسكيك مــــن طب العرب والهند
روحي وجروحي وكلب تبجب بدمع والهند
من كالو ولفك مرض عاف الدرس والهند
ولفي يوافي يدرس هندسه وطـــب وجبر
وما يترك المدرسه لــــو لاعليل وجبر
مكسور كلب الولف بــــس بلكلب ما جبر
شايف مجبر يخي حــــــن علكلب والهند

بطرواك طول العمر صبح ومسه ذاكره
ولدكول عني بعد هذا الولف ذاكره
كلبي ناسي وامس بالطيف اجه ذكره
طالبني رغم الجره بحنينه خايب شحن
ودموعي جي سافرت بعيوني صدك شحن
نقالي عالشاحنه ومن كال تم الشحن
كلت ارسله الروح جاوب ممليه الذاكره
مسكين هذا الكلب يا صاحبي مره
يا ما سكاك الشهد ما ضوكك مره
يتمنى كبل الاجل يلكاك ولو مره
بس انته كلبك صخر ما لحظه حنيت
وانه لالك ديرتي بيبانها حنيت
من شفت بيك الالم ظهري الك حنيت
طيبتي يم شوفتك وجهك علي مره


يلي عفتنا بليه اوداع سلمنا
اوصيك كلبي ترى وياك سلمنا
بجاه ابو القاسم يغالي تعود سالم النا
بالجي نشوفك اخاف ان الفراك يطول
وتدري دنيانه عرض بينا تجر وطول
لازم يجيلك خبر ذاك الي حلو الطول
جوى التراب ندفن ياصاح سلمنا

يا وسفه هذا الوكت للزين هو حاربه
وكلوب كلهه ثلج بس كلبي هو حاربه
شاف الطبيب انبهر كلبي واهو حاربه
شيشافي ميت جرح مو سهله اظن مشكله
واشكال بيه الحزن بس الفرح مشكله
كانونه بيدي وظعت طول العمر مشكله
طعنات ميت والف بكليبي هو حاربه


ياوطن نبقه لمسيل دماك سداده
ودايم دفكنا عالمعادين سداده
لحلوك اهل النفاق نصير سداده
وياوطن حيل بزعل سب الاعادي ودين
والطاوع المعتدي والماخضع للدين
لاتنهضم ياوطن احنى النوفي الدين
ولجل عيونك ياوطن هالركاب سداده

لولة براسي عكل عكب الولف ماضل
ماجان ذيب الوهم فوكي هجم ماضل
ناديت يالامتي بدياركم ماضل
ارفج معاكم يلولة اتراب كلت ألهم
كالولي ربعي اصبحت بالويل كلت الهم
كالوي دمعك عجب ماسال كلتلهم
بجيت من فاركتهم ولف ودمع ماضل
ـــــــــــــــــــــــــــــــــ
ياصاح همي بنى فوك القصور قصور
وشمطال حبل الوهم ماينكطع بقصور
احذر خوي الردي شما ينمثل بقصور
دور اصحاب بيام الضيج هم الها
ودموع عينك على الطيبين اهملها
هاك اكضب وصيتي اياك تكون هاملها
ماينهدم بيت لوما بالاساس قصور
ـــــــــــــــــــــــــــ


ظليت طول العمر لجلك ادور والف
وين الكى مثلك ولف ولو عادلوني بألف
شسال وادواي واخيط جروح عنك وألف
وكلما ادواي جرح يطلع مكانه وسم
وخلاني مثل الجارع مراره وسم
عكبك تراني اصبحت بس الخيال واسم
واطلب رجاك لان ماعندي غيرك ولف

كاتب عليه الحزن ربي الي همشه
وثوب الي ساتر علي بيده الوكت همشه
لاولفي واكف الي ولا صاحبي همشه
كمت انه اصيح الصبر وحسب جروحي وفي
ايست من دنيتي ماطلع بيهم وفي
كنت انه الهم سند اخآكبيرآ وفي
مكدرعليه الصبر الباري علي همشه

ياشمس غيبي على الخلان بلغيهم
بلغي حبيبي اسى وجروح بلغي هم
ياحجي لساني مع هالناس بلغيهم
اصبح رجيج بذكرهم دوم بالطاري
ومايوم طير السعد لفراكهم طاري
مبلة كولي لحبيبي اذا جالو خبر طاري
انو لفينة عسانه نموت بلغيهم

الي هدم هالوطن ماينحسب كل البنه
نارو تشطر علينه داسنه كل بلنه
يمشي برهاوه صدر ظل العزم كل بينه
مايدري اله القلب بي اوف بي عبره
ويصير مضرب مثل لنايم مي عبره
الباع ارض الوطن لو چان باع ابره
اقسم بانو فلا يلحك اثر كل بلاه
....
الـــــــــرد
مشكور جانه الحچي مثل الدرر للأجنبي
وتشكلت بالعجل لجنه حكم لجنه بي
الردت اظمك سند عوزت وگت لأجنبي
من أجل العراق الأبي نقطع دروب وعار
وماهمنه خاير مشه بدرب الرذأيل عار
ديوش ناقص ردي مابي غيره وعار
الباع ذره من تراب الوطن للأجنبي


اهل الصياني الجبيرة شيوخ جابلهم
ربهم امانة وكرم والجاة جابلهم
اقصد عليهم واظل بديار اجوبلهم
والي يعد الكرم من يبتدي بعدكم
ومنهو بهاي الربع من يوصل العدكم
مادام نومة جلبهم اعز من عدكم
ياشيخ وش فكرت وانت مجابلهم

مامره كلبي سلاك وصار منكلبي
واذا اذكرك احس اشتعل من كلبي
سنين وانا على نار جمرك ومنكلي بيه
انثر دروبك ورد والكاك بؤس انته
ومحد سكن هالكلب يازين بس انته
انا الهويتك شلعت العين بس انته
صديت عني وشلعت عروك من كلبي

وليفي بعد هجرة الطال مرةجاني
وعاتب علي حبك كال ترة مرجاني
يسأل ليش انة مانسيتة مرجاني
منساك لومو رجاتك لووياك كل البرية
ولا تكول النوب أسألتك منك برية
وكلبي لو تدري شكد تعم بيه البرية
جان حبك صار لية حب مرجاني

من يوم عني رحلت قلبي تكطع وصل
وبالليل انه كعدت اندعي لربي واصل
وانخا لرب العرش بلكي تعود الوصل
لان انته قطعت دهب وسط القلب مندك
ومن كالو انته غبت هاون بصدري ودك
ولو شاع صيت وخبر وسمعت هوسه ودك
اركض بايد ورجل واصرخ الغالي وصل

تايه بنص الدرب من شوكي الك غركان
ومن كثر دمعي النزل ضنيت انه غركان
وميفيد نوح وبجي بحبك اظل غركان .
وكل هدا لنك وفي واسمك بصدري جرى
وماجوز منك ابد شما طال عمري وجرى
تدري لو حبك نهر وبنصه انه وجرى
لبقى طول العمر وسط الجرى غركان

انزفت بالافراح زفت عرس زفتها
وروحي من الهموم باحسن طور زفتها
دروب عني الزمان بظيم زفتها
وياحيف درب الفرح عن الوكت سدوه
وكلبي باللهم غرك ما فاد بي سدوه
يومن شفتها معاه وكاعده بسدو
تمنيت ميت كبل لاشوف زفتها

أروحن وين ماأگدر هـــــــوه انت
وانه الماهان من أجلك هـــوه انت
إلي بدنياي شي واحد هــــــو انت

وحرت بين إن تركته وان تبعتــــه
انه الونيت والون ون تبـعتـــــه
ماباعك حبيبك وانت بعتـــــــــه

حبيبك باع عمره واشـــــــترك بي
وحزن گلبه عله حزنك واشترك بي
وبعد شتدوس گلبي وشـــــترك بي

جبل حبه وتگلگلنه انتگل بــــــي
ويدنيا شما دفعتي لن تگلبــــــي
وإذا تنسا يگلبي لنته گلبــــــي

ولا أريدك بعد وبصدري أحمـــــــلك
وحبيبي شلون ترضه بصد رحم لـــــك
إذا حملك يتعبك صدري احمـــــــلك

إلي وروحي الأرض وشگد دوه الهه
وتداوي الداء لو بالمخ دوه الــهه
بس العين مايحصل دوه الــــــــهه

دواهه العين خلهه من تقر بــــــي
وتصب كلما تشوفك منته قربـــــــي
ولك شيصير حبك من تقر بـــــــــي

وتحبني انت يقين بصدري مو شك
ألف شوكه السكوت بصد رموشـك
انذبح گلبي وتشظه بصد رموشــك

وعرف محد يدفنه وشي دفن شــي
وعگب صدره المواگد شي دفن شي
كفرمن رسم غيرك شي دفن شـــي

وأظن للجنة يدخل من يرســـــمك
وحبيبك ينسه حسنه من يرســــمك
بسمك حبي جمالك من يرســــــمك

وانه الليل بعيونك شفته كحـلــه
وشفت شمس الأصيل وشفتك أحلـــــه
العسل من ضگته گلك شفتك أحلــه

إذا لو من شفاهك بستك أشـــــفة
إذا انت المات يعدل بس تكشـــفه
شتظن حبك يضعفك بس تكشـــــــفه

بحر الهجر مايلك بحر الوفا مايلي
وآنه بهواك أعتقد غاية وطمع ماإلي
ياصاحبي إنجانك ذكي إعرب إلي مايلي
لوكان جابت خبر ينّصب لو ينضّم
لو سر حجالك محب ينفضح لو ينضم
العاشرك يا ترف ينسعد لو ينضام
الحمل يبقى أعوج لو ينعدل مايلي

كتلة احبك انا .. وسمعته كلمة غزل
من كلبي ملبس الك ..اغزل نبضتي غزل
بس دار وجهة ومشى .وما همة كلبي الغزل
ثاريه ابيض يحب يكره شخص اسمر
مو صوجي كتله الشمس من الجلد اسمر
ما عوفة بي طبع يشبه طبع اسمر
من جان فاقد غزل والزمن رجع غزل

يسئلوني شسمها وكلت وجدان
اذا مرت تصيح الناس وج دان
المحاسن من تتم تصير وجدان
جميله وبالحسن الله وسمها
وحرز بالبيت صورتها واسمها
اسم كلمن ياذيها واسمها
لحتى روحي اذا اذت وجدان

مضروب حربات وبليل وخله وأنزف
ويزفلي عبرات وكت ألما رحمني نزف
ألصبر ملني وجهو عن الصحيح نزاف
وطرفي بحلم ألعمر يادنيتي طرفي
وطرفي جناح بزعل فوگ ألكسر طرفي
تره ليل المطاعين ليلي وما غمض طرفي
من گالت الناس ولفك بلخميس نزف

ماجان ديري تلف بحساب لويرهم
ولو جان جفنك زهة ياصاح لو يرهم
رهمت كلبي على النسيان لويرهم
ماجان دار الوكت بعد الحزن على السر
وانتة البديت الهجر وانتة البحت علسر
هلساع جاي بدمع وتشكيلي حالك عسر
وتريد ارهم المضى ب
س غير لو يرهم

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fozy-71.forumarabia.com
 
كلام روعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة المناذرة الابتدائية  :: مدرسة المناذرة الابتدائية للبنين :: منتدى الشعر و الفكاهة :: شعر الشعبي-
انتقل الى: